60. ad Lucretiam Pini Forilivii principis uxorem
Roma tuum quondam, Lucretia, prisca decorem
Laudibus in caelum substulit alta suis;
Altera Flamineis Lucretia fulget in oris
Romana in nulla parte futura minor.
5
Nanque pudicitiae proprium sic servat honorem,
Sic facit in sanctis sacra pianda focis,
Castior ut tota non inveniatur in urbe
Vlla, nec in superos relligiosa magis.