Michael Petreius Hammelburgensis lectori salutem

Quisquis ades doctique vides monumenta laboris

      Et pia sed prisci temporis acta legis.

Ingenium authoris merito digneris honore

      Et doctum grata suscipe mente librum.

5

Insignis iuvenis clarus nullisque secundus

      Arte ubi tantum prodidit Author honor.

Quod cum virtutis laudes almae pietatis

      Tum solidae flores utilitatis habet.

Quae fuerant etenim summo quaerenda labore,

10

      Quae clemens virtus te liber iste docet.

Quicquid divinis scriptum fuit undique libris

      Quod sacra iura docent, quod medicina potest;

Quicquid Marsilius scripsit sapientiae amator

      Qui Phoebum coluit Pegasidesque Deas,

15

Cuncta sub hoc libro cernis nunc aere sonante

      Atque studes tenera si legis arte. Vale.