Qui vici innumeros populos, tot regna, tot orbes

      Solus et immensi qui timor orbis eram,

Me rapuit quaecumque rapit mors improba; sed sum

      Virtute excelsa ductus ad astra tamen.

5

Maior Alexander non me fuit, Hannibal et non

      Fuderit Ausonios tot licet ille duces.

Vici victores Danaos domuique feroces

      Chaoniae populos Sauromotasque truces.

Pannonius sensit quantum surgebat in armis

10

      Vis mea quae latio cognita nuper erat

Arsacidae sensere manus, has sensit arabsque

      Et mea sunt Persae cognita tela duci.

Mens fuerat bellare Rhodon superare superbam

      Italiam sed non fata dedere modum.

15

Hei mihi. Nam rapuit mors aspera quaeque sub alto

      Pectore condideram vertit et hora brevis.

Sic hominum fastus et eunt sic schemata sicque

      Imperia atque aurum quicquid et orbis habet.