Eiusdem clarissimi poetae Lud. Car. ad eandem Franciscam Fontanam
Legati veniunt finibus ungaris
Querentes aliquem cudere praeditum
Humanis studiis rhetoricum bonum
Aptum legitimas tradere litteras,
5
Qui linguam valeat pellere barbaram.
Hortantur capiam tale negotiun
Promittuntque mihi praemia maxima
Affirmantque brevi me fore divitem.
Fontanina vetat insita pector
10
Quae fixa est animo et visceribus meis.
Magnis principibus haec ego praefero
Donis purpureis carior est mihi.
Rogum delitias regnaque persica
Franciscae superant oscula dulcia;
15
Ludentes oculi, risulus aureus
Componunt lateri molle latus suum,
Non caeli cupiam sidera tangere
Fontanina facit ut patrios lares
Desertos fugiens linquere cogitem.
20
Me vinctum retinent vincula suavia
Et clavus Veneris; tela Cupidinis
Scripta in corde meo nomine gestio
Fontanina tuo virgo piissima.