EPITAPHIVM SER.MI D. D. ANDREAE DANDVLO
INCLYTI VENETIARVM DVCIS,
QVI IN SACRI BAPTISMATIS SACELLO
AD DIVI MARCI AEDEM IACET.
Quam reverenda cohors virtutum tempore nullo
Deseruit gelidi brevis hec tenet aula sepulcri.
Membra valentis: erant probitas cui, Dogmata, sensus,
Ingenium penetrans, modus atque profaminis alti,
5
Nobilitatis opus, morum series que venusta,
Qui dedit assiduos patrie memorandus honores;
Et quia clara sonant populis sua gesta per orbem
Plura sinit calamus merito recitanda notare.
Dandula quem soboles peperit generosa, Ducatum
10
Andream omnimoda Venetum ratione merentem,
Septima dumque dies septembris milletrecentos
Quatuor at decies iam quinque dedisset obivit.