Ad Iuventutem in principio studii
Iam cornu gravidus praecipitem parat
Afflatus subitis frigoribus fugam
Autumnus pater, et deciduas sinu
O
Frondes excipit arborum.
Cantant emeritis, Bacche, laboribus
5
Te nunc agricolae, sed male sobrios
Ventosae querulo murmure tibiae
O
Saltatu subigunt frui.
Nos anni rediens orbita sub iugum
Musarum revocat, dulce ferentibus;
Porrectisque monent sidera noctibus
O
Carpamus volucrem diem.
10
I mecum, docilis turba, biverticis
Parnassi rapidis per iuga passibus,
Expers quo senii nos vocat et rogi
O
Consors gloria coelitum.
Nam me seu comitem seu, iuvenes, ducem
Malitis, venio: nec labor auferet
15
Quaerentem tetricae difficili gradu
O
Virtutis penetralia.