Ad Lucam Ripam

Errat, et argutos nescit discernere cantus

      Quisquis te raucum, Ripa diserte, uocat.

Facta quidem uox est ludo tibi rauca frequenti,

      Gutture sed rauco carmina clara facis.

5

Contemnant multi, pauci tua carmina laudent:

      Laus magna est raris, Ripa, placere uiris.

Incipiat cantare loquax hoc iudice coruus

      Noctuaque, et multo pica repleta mero.

Si sciat hoc dulces ponet philomena querelas,

10

      Nullaque mellifluus carmina fundet holor.