Responsio cuiusdam pueri ad pediconem

Quisquis inornatus ullo sine nomine versus

      Scribis, et ad nostram confugis aeger opem,

Desine velle meo placidam sperare salutem

      Auxilio: medicae sum miser artis inops.

5

Consule Philyriden doctumque Machaona, vel qui

      Hippolytum Stygii traxit ab orbe dei.

Ne tamen in tanto videar te linquere casu,

      Accipe de nostro pectore consilium:

Non tale humano sanatur stercore vulnus;

10

      Hellebori sumas pocula, sanus eris.