Epitaphium Xisti Quarti

Si vacat ista legas: tegor hoc sub marmore Xistus

      Quartus, ab exili vectus ad alta loco.

Erexi virtute caput, studiumque laborque,

      Quod tenui, culmen pontificale dedit.

5

Bis currus inii, bis cinxi tempora lauro:

      Parthenope testis, Tuscia testis erit.

Praesidis opibusque meos et honoribus auxi,

      Et vetus impensis Roma novata meis.

Italiam flagrantem armis belloque frementem

10

      Pacavi, et facto foedere pacis obi.

Conveniens finis fuit hic mihi: pacis amator

      Cum fuerim, media mors mihi pace data est.