Armati foris, arma, fossa, murus

Cingunt hoc mihi terreum involucrum,

Quod spe qua fere cunque spoliatum,

Dum est carum sibi, iam induit timorem.

5

Audax spiritus intus invalescit,

Indignans grave fine contineri

Terrestri; repetens ut assolet mors

Tetri carceris esse finis aptus.

Illud, heu nimis, et timet, doletque,

10

Hoc secum reputans bonum esse maius,

Si quos suggerit, explet appetitus.

Hic cuius Deus est vigor, fidesque,

Liber usque polum, volat, reditque;

Solamenque mali advehit prementis.