Christe, terrarum fabricator ingens

Orbis, humani et generis, timent quem

Cuncta, qui necnon homines trisulco

Fulmine terres;

5

Quas tibi laudes meritis canemus,

Quae modo prestas, Pater alme, nobis,

Possumus quales precibusque nostris

Reddere grates.

Iam tuo Henricus dominus Britannum

10

Septimus nutu superans catervas

Hostium evasit, decus orbis ingens,

Vndique victor.

O deus, serves decus hoc, precamur,

Huicque consortem; foveasque matrem

15

Filios una, colit orbis en quos

Axis uterque.