18. ad clarum poetam Panormitam
responsio pro villa sua
Parva Panormitae quid tanto munere dignum
Villa dabit, saevis obruta fluminibus?
Ecce ego iam videor colleis superare falerni
Arvaque frugiferae pinguia Sicaniae.
5
Gratius est siculi celebrari carmine vatis,
Quam si Palladio tota liquore fluam.
I felix, reducemque, sacri post oscula regis,
Excipiat tenero Laura pudica sinu.