Alessandro Braccesi epigrammaton libellus, 54

Reference basis text: A. Perosa, 1943

Editing of the digital edition: Barbara Zlobec


54. in Albium amantem numerosas puellas

Ardet tot miser Albius puellas,

Insunt quot Latio dies in anno.

Sed, cum sit numerus satis molestus,

Illarum, memori domos tabella

5

Et nomen simul et vias notavit,

Vnicuique diem suum dicavit,

Et semper queritur quod ulla nunquam

Fessas audierit preces amantis.

Quam stulte queritur, semel per annum

10

Si quem sunt solitae videre tantum,

Tam rarum fugiant procum puellae!