63. eidem

Ante aliquid fueram quam nos arcana iuberent

      Publica nosse patres, sum modo, Petre, nihil;

Antea causidici nam certum munus obibam,

      Nunc dubius locus est instabilisque mihi,

5

Nullius atque rei commissa negocia certae

      Procuro, incertum est sed mihi servitium.

Sancta magistratus nunc iussa capessere summi

      Est opus - hinc nimium pendeo solicitus,

Nuncque decem retinet suspensum cura viratus:

10

      Sic animus titubans inter utrunque iacet.