2. de bello Pii
Iam Pius Eoos bellum moturus in hostes,
Innumeris armat classibus Ionium.
At nos qui in Turcas quamquam procul ire iubemur,
Sub tanto, stultos, quid piget ire duce?
5
Ducimur ad bellum, non mittimur: aurea lunae
Praecedunt nulla cornua victa manu.
Remigibus nostris dubia nec classe vehemur,
Barbara Romanas iam stupet unda rates.
Tum mater vinci natum Victoria nolet:
10
Vt nuper terra, sic modo vincet aquis.