17. de Gela sacrifico

Sacra peracturus venientem ad sacra puellam

      Arripit, incertum qua sed amore, Gela.

Inserta cupidus sed dum rapit oscula lingua,

      Linguam perstringens abscidit illa Gelae.

5

Accusator agit nutu; sua iura puella

      Obicit. Ille suos advocat, illa suos.

Arbiter est populus: populi pars illa volebat

      Oscula sacrifici casta fuisse patris.

Scire puella negat; verum, quaecumque fuissent,

10

      Oscula sive patris, basia sive viri,

"Qua data mente, Gelae cepi hac" ait "oscula: linguam

      Intulit ille furens, abscidi et ipsa furens".