18. de Mirrone

Vulgarem solitus venerem conducere Mirro

      Imprudens gravidam Layda nocte vocat.

Vt iacuit posito Lays cum veste pudore

      Mirroque sollicita prenderet arma manu,

5

Nondum tacta, deos et te, Lucina, vocare

      Incipit, instantem reicit, orat opem;

Parturit; ad vocem currit vicinia, claudit

      Mirro fores, frangit turba, revellit, init.

Ridet turba, rubet Mirro, laetissima Lays

10

      Cum puero quem mox edidit acta domo est.

Roma videt quae non fuerant miracula quondam;

      Maius id est, fari quam potuisse bovem:

Nocte venir Lays et concipit et parit una,

      Et fit, cui non est femina tacta, pater.