Giovanni Gioviano Pontano Parthenopeus 1, 26

26. ad Thaliam

Sexcentas, age, basiationes

Da nostro, mea, Compatri, Thalia,

Quem nos plus oculis amamus unum.

Nanque est dulcior attico liquore,

5

Et quem sicaniae tulere cannae,

Ac nostris prope carior medullis;

Quando non alius sodalis unquam

Dilexit magis unicum sodalem,

Quam nos ipse amat, atque amamus ipsum.

10

Si non sunt satis hae osculationes

Fac sint mille ducenties ducentae.