Giovanni Gioviano Pontano hendecasyllabi 2, 13

Reference basis text: B. Soldati, 1902

Editing of the digital edition: M. Montalto


13. ad Focillam

Promissum mihi suavium dedisti,

Quod mox, dum repetis revendicatum,

Clauso in scriniolo obserans locasti.

Nunc furto quereris subinde plorans

5

Subreptum tibi. Ne, puella, ne fle;

Vel triplex tibi suavium rependam,

Vnam si mihi lacrimam repones.