Naldo Naldi epigrammaton liber, 3

Testo base di riferimento: A. Perosa, 1943

Cura dell'edizione digitale: M. Rossi


3. ad Angelum Politianum de Homero, quem hortatu
Laurentii Medicis in Latinam transfert linguam

Tu licet, ingenio dum sacrum vertis Homerum,

      Macte puer, laudes promereare novas,

Te tamen, o vates, si quicquam credis amico,

      Angele, promeritum palma secunda manet.

5

Nam, velut in superis laus est quoque prima Tonantis,

      Siquid ab imperio causa secunda facit,

Sic Medicis nostri laus est quoque prima iubentis

      Carmen ut efficias: palma secunda tua est.