Naldo Naldi epigrammaton liber, 25

Testo base di riferimento: A. Perosa, 1943

Cura dell'edizione digitale: M. Rossi


25. ad Nicolaum Burgesium Senensem

Haec aqua, Burgesi, quae mentem et corpora sanat,

      Vt reor, Aonio ducit ab amne caput.

Nam, velut Emonia qui se deus abluit unda

      Corporis et curas ingeniique subit,

5

Sic, ubi tot ciatos Burreo e fonte bibisti,

      Libera quot morbis reddere membra valent,

Factus es hinc reliquis adeo sapientior unus,

      Vt praecepta tuis vel dare summa queas.