Callimaco Esperiente epigrammatum libri duo 1, 52

Reference basis text: C. F. Kumaniecki, 1963

Editing of the digital edition: Barbara Zlobec


52. ad Domitium

Argutum lepidumque candidumque

Vatem te potui putare, sed cum

Argum me tua dixerit Thalia,

Qui vix luminibus duobus utor

5

Lippis, exiguis minutulisque,

Vrbanus minus et minus venustus

Coepisti mihi protinus videri.

Huc adde: Inachidos vocas iuvencae

Cornua in puero aureos capillos.

10

O, quid rusticius poeta bellus

Posses dicere! Sed facis, poeta

Vt non sis, male cum poema cudis

Et mendaciolis procul remotis

Nil dignum penitus canis poeta.