Callimaco Esperiente epigrammatum libri duo 2, 24

Reference basis text: C. F. Kumaniecki, 1963

Editing of the digital edition: Barbara Zlobec


24. ad Leonicenum

Languores varios levans Machaon

Infirmis aliis parat medelam

Non unam et variat salutis artes,

Ad pestes quotiens novas vocatur.

5

At laudes nivei Luperciani

Quovis Gellius audiente narrat.

Has dicit pariter bonis malisque

Et servis dominis satellitique

Ac regi, pediti, duci, colono

10

Et civi, illepidis simul venustis,

<In> cunis pueris, togis severis

Et canis maribusque feminisque.