Callimaco Esperiente epigrammatum libri duo 2, 136

Reference basis text: C. F. Kumaniecki, 1963

Editing of the digital edition: Barbara Zlobec


136. ad Cronicum

Si pestis teneram tibi parentem

Et fratres rapuit, simul sorores,

Quid tu non meritas comas recidis

Et nudas caput omnibus capillis?

5

O, solaciolum novum doloris,

Ignotum ac atavis avisque priscis!

Illi ab exsequiis caputque mentum

Detonsum minime diu ferebant,

Quod index habitus foret doloris.

10

Sed tanti tibi mors tuae parentis

Non est, ut capitis feras dolorem

Et curam propriae abnuas salutis.