17a. Epitaphium Roberti Sanctoseverinatis
Nil queror, o superi, letum hoc: sic occidit Hector
Traiectus Phthia pectora seva manu;
Sic duo Scipiadae pereunt, quos hosticus ensis
In Tartessiaca dat regione neci;
5
Sic et Marcellus cecidit, quem bella cientem
Perforat hostili lancea torta manu.
Haec sunt fata ducum, pulchrum est cecidisse sub armis,
Mors bellatori convenit ista viro.
Sic ego sic cedidi, sed non inglorius: orbem
10
Implet fama mei nominis atque polum.