17b. Idem
Quantus erat dextra Pellides, Tullius ore,
Phillirides herbis, Phoebus Apollo lyra,
Carmine Meonides, Ladas pede, lumine Lynceus,
Viribus Alcides, relligione Numa,
5
Tantus ego in bello fueram, mihi tota sub armis,
Sub clypeo, galea, casside vita fuit.
Me puerum Mavors et me Bellona virago
Omnia perdocuit munera militiae.
Qualis Pelleus ductor Libycusque fuerunt
10
Romulidaeque duces, talis et ipse fui.
Dum vult supremo duri certamine Martis
Sors dare me pessum, sustulit ad superos.