43b. De eodem

Qui veteres tantum legis extollisque poetas,

      Hunc lege, nam dempto nomine priscus erit.

Qualia Letheo vicinus carmina fato

      Phoeb⟨e⟩us dulci murmure cantat olor;

5

Quales Threicii deflens Philomen⟨a⟩ tyranni

      Grande nephas querulo cecinit ore modos;

Qualiter et numeris mulsit fera pectora Ditis

      Orpheus extinctam dum ⟨vocat⟩ Eurydicem:

Talia Baptiste sublimis voce canori

10

      Carmina dulciloquo musa canit calamo.

Mox cum Latoo superabit carmine Musas

      Pierides - plenam da modo, Parca, colum!

Sic et Nestoreos annos Phrigiamque senectam

      Vincat et Euboice secula vatis agat.