8. APOLOGVS ALTER AD EVNDEM
Rusticus ex malo dulcissima poma legebat,
Vnde dare urbano sola solebat hero:
Ast herus illectus frugum dulcedine, malum
Transtulit in laribus proxima rura suis.
5
At quia malus erat senior, translata repente
Arvis, et proles cum genitrice obiit.
Heu male transfertur senio cum induruit arbor.
Inquit herus, fuerat carpere poma satis.
Qui nimium cupiunt atque inconcessa sequuntur
10
Desipiunt, cohibet qui sua vota, sapit.