Panfilo Sasso epigrammaton libri 4, 120

120. ad eundem

Sic cantas, Pylades, favente Musa

Excussum, grave, floridum, venustum,

Compactum, lepidum, breve et sonorum

Carmen quo tibi se favere Musa

5

Credat vel tibi se favere Phoebus,

Et de se dubitet sit an sit alter

Vates cui faveas Apollo vates.

Nam se, te tacito, videt tacentem

Et iurat quod es esse, cum Camaenis

10

Dictat se sibi nec magis placere

Quam cum se tibi sit placere; tecum

Tunc cum stat, manet et manere secum.

Dicit se Pyladem, vocat poetam

Te Phoebum, meditatur ergo versus

15

Phoebus cum Pylades canit sonoros,

Cum Phoebus Pylades canit sub uno

Vivit corpore namque uterque solus.