18. de pestilenti febre

Qui non uult stigiis fata sub umbris

Saeua pestilitate deperire,

Nec ferrugineam uidere pupim,

Nec uitae precium seni trientem

5

Olli porrigere ore subtrementi,

Sed uiuo esse potens sui uigore,

Et seruare animam diu ualentem,

Haec, hortor, legat aure non supina,

Quae Paeantius exarauit, artis

10

Ille assertor Apollinaris, ille

Ingens Castalidum decus Sororum.