Michele Marullo epigrammaton libri 3, 21

21. de se et Cosmo Pactio

Pulchre convenit optimis amicis,

Marullo profugoque Pactioque.

Nec mirum: pariles ruinae utrisque,

Vrbana altera et illa Fesulana,

5

Confectae resident, nec elevantur:

Insontes pariter, miselli utrique

Vno in exilio, educatuli ambo,

Non hic quam ille minus vorax amari,

Concordes comites novem sororum.

10

Pulchre convenit optimis amicis.