Michele Marullo epigrammaton libri 3, 26

26. ad Neaeram

Quo, quo, dura (tibi, Neaera, dico),

Olim praesidium meum decusque?

An me tu quoque iam facis caballi?

Nam cui, cui iam hominum est fides habenda?

5

Certe tu mea cura, tu voluptas,

Per te non grave erat domo carere,

Quae nunc tot miserum in malis relinquis

Et nostris frueris superba damnis.

Quod si te mea nec fides, Neaera,

10

Nec suspiria nec movent querelae,

At spera Nemesim deam potentem,

Quae poenas animi istius reposcet.