Panfilo Sasso epigrammaton libri 2, 64

Reference basis text: M. Dussin, tesi di laurea Università degli Studi di Padova, 1987-88

Editing of the digital edition: Ketty Peruch


64. in Iulium spernentem divitias

Ridet iugera Iulius Syennes

Et messes Latii novas beati,

Et quod nectareum cadis Phalernum

Annosis roseus gerit minister,

5

Vestes muricis oblitas cruore

Auro fibula circuit nitente

Aut quas, aut viridi colore gemmas,

Charos fluminis Indici lapillos,

Vel quae Carpathiis leguntur undis.

10

Crassi divitias, Midae potentis

Solos et fore pauperes beatos

Affirmat. Nimis est sagax, acutus;

Quae nullo ingenio potest habere

Squallens, pauper, inops, misellus, aeger,

15

Exhorret, fugit, increpat, lacessit.