5. Marco Antonio Sabellico

Qui nunc principibus nostris ducibusque placere

      Optat et in primo posse sedere gradu,

Consulis et fasces equitum vel ferre magistri

      Praemia, vel Phrixi vellera dives ovis,

5

Vrbibus et leges et foedera ponere genti,

      Ducere laurigeros sub iuga, victor, equos,

Inclyta non magni non Caesaris arma sequatur,

      Non fieri studeat Romulus atque Numa,

Noscere non rerum causas, non culmina Cynthi

10

      Scandere, non dulces composuisse sonos,

Non quid sint numeri, spatiis quibus omnia constent.

      Grammaticos spernat, spernat et astrologos,

Sed fieri cupiat parasitus, moechus, adulter,

      Fellator, draucus, mango, lanista, coquus;

15

Sit pedico simul durus mollisque cinaedus,

      Principibus nostris sic puto gratus erit.