9. in eundem

Cristatum non Galle caput super aethera tollas

      Si vicere tui plurima regna patres

Atque Iovis laetos velati fronde iuvencos

      Phoebea sacris saepe tulere focis.

5

Namque palatino bis sex sub nomine scripti

      Ductores, quorum maximus unus erat

Vulnera non capiens fatorum munere, qui iam

      Aerea scindebant ensibus arma suis

Vt fragilem ferro glatiem vitreosque trientes,

10

      Vt teneras lactis frangimus atque pilas

Aspiciis non bella tuis plus maxima tractant

      Inter semideos turba beata duces;

Nec quibus invictos vincas tibi Iuppiter hostes

      Misit ab excaelsis aurea signa polis.

15

Galle, cades: sumptis nam qui spem ponit in armis

      Alterius, cum sit debilis ipse, cadit.