21. in Cantharum

Iura maritalis quaerit dum solvere legis

      Cantharus et cunno vulnera ferre novo,

Vxoris laudat mores; hortatur amicum:

      "Hanc ducas si vis ducere Penelopen;

5

Hanc novi, casta est, hilaris, foecunda, venusta,

      Pulchra, decens, facilis, sedula, cauta, sagax".

"Cantare, quod clamas, quid murmura perdis?", amicus

      Respondit, "nimis est haec bona si tua sit.

Nolo nimis castam. Nimis dum, Canthare, laudas

10

      Vt perdas, reddis Thaida Penelopen".