42. omnes Italiae reges Venetis postponit

Quid faciet Calabrum Veneto sub Marte tyrannus?

      Iugera quod nummis cum sine pauper emit.

Ast pater arma movet si maxima maximus: illud,

      Orgia quod miles mystica concelebrat.

5

Vipera si virus vomat horrida pectore, regis

      Nihil, quoniam Ponti pharmaca Marcus habet.

At leo si Tuscus ruat agmen in omne cruento

      Dente, quod exoptans vincere rana bovem.

Est opus ut pereant Volsci, pereantque Sabini,

10

      Ardea, Sannites, Tyburius arx, Stabiae

Si nova Saturni iusto sub foedere debet

      Imperii sceptrum tollere Roma suum.