Panfilo Sasso epigrammaton libri 4, 49

Reference basis text: M. Dussin, tesi di laurea Università degli Studi di Padova, 1987-88

Editing of the digital edition: Ketty Peruch


49. ad eundem

Aureli, genitor novem sororum

Illarum decus et decus sacrorum

Vatum, tempore qui fuere prisco,

Seu quem nunc celebrat colitque multa

5

Vlva Mintius horridus Maronem,

Seu quem Palladiae probant Athenae,

Dicas seu tenerum suo Tibullum

Cantu qui silices ferasque cautes

Posset frangere dulciter sonoro.

10

O quantum tibi gratiae dedere

Qui volunt super astra fata coelos

Vt nondum gelidus cinis legaris!