71. in Spinetam

Ad tua quod Siculi linquens summa iuga Pelori

      Atque Gnydium venit limina pulchra Venus

Tecta rosis crines et murice cincta rubenti,

      Et iocus et niveo gratia quaeque pede,

5

Iamque faces ardent, castos Hymenaeus amores

      Iam probat et vulnus blanda puella timet.

Carmina, zona, nuces, flammae, lyra, myrtus et undae

      Munera solverunt sacra, Thalasse, tibi.

Non aurum, gemmas, teneros sed mittimus agnos

10

      Quos decet auspiciis munera laeta bonis:

Non agnos rabies agitat vaesana, cruentus

      Non furor in clades saevaque bella trahit.

Vellera dant placidi, sacras mactantur ad aras,

      Cum cremat accensus mascula thura focis.

15

Iuppiter his epulis sociis et lauta paravit

      Prandia, cum Solymis iura daret populis.

Accipe, dona damus tibi mystica; vivet ut agnus

      Iuncta suo claemens castaque sponsa viro.