155. ad Pisas

Vincetis, Pisae! Sacro celebranda senatu

      Maiestas vestro foedere iura dabit.

Vincetis, magnae! Linquens nam moenia Romae

      Agmina magnanimus Scipio dura trahit,

5

Qui ruet excelsas Tuscae Carthaginis arces,

      Sub iuga fallaces coget et ire viros.

Quod dixi Romae falsum me forte putabis,

      In vos cum moveat bella cruenta pater.

Non fallor; Venetis tollit se Roma sub oris.

10

      Non faciunt urbem moenia, sed populi.