88. ad Robertum Gaguinum

Candida cuncta geris, tibi candida tota suppellex

      Candide candenti conspiciende toga.

Haec toga Acidalias superat candore columbas,

      Et quae Mygdonio marmore tecta nitent.

5

Quin etiam superat cristalla, ligustra, pruinas,

      Lilia, quae verna luxuriantur humo.

Cedit Erythraeo quaesita sub aequore gemma,

      Cedit et Eoi nobile dentis ebur.

Haec toga sit primis nivibus licet aemula, mentis

10

      Attamen indicium candidioris adest.