Nicodemo Folengo epigrammaton liber, 9

9. ad Serenam

Iam festa ingrediuntur, o Serena,

Saturnalia gratiora cunctis:

Saturnalia nunc senex frequentat,

Saturnalia nunc puer frequentat,

5

Saturnalia nunc pater frequentat,

Saturnalia cum parente nata.

Te duram licet et nimis severam

Praestes continue mihi, necesse est

Istis temporibus dicata saltem

10

Nexis basia des mihi labellis.