1. ad clarissimum virum dominum
Franciscum Sanutum ad pontificem summum
oratorem dignissimum, 1468 die 14 novembris
Evandri visurus opes accedis ad Vrbem
Clarorumque petis iam monumenta virum.
Nec latuit quantum prudenti tollere possis
Publica vel patrium mente levare decus.
5
Civibus haec nostris Pythius praedixit Apollo,
Nullius offitium gratius esse tuo.
Sis felix maneasque tua cum prole beatus
Cordaque pontificis semper habeto boni.
Nec iter Hermoleo immemorem te reddat amici
10
Distrahat ingenio nec via longa tuo.