Manilio Cabacio Rallo carmina, 36

36. Bartholomaeo Platinae defuncto

Demetri lacrimas piosque fletus

Nec non tristia iusta quae merentis

Patroni parat ossibus iuuato,

Spectator, gemitu nouoque planctu,

5

Doctae quo Platynae excitentur umbrae.

Res haec officiosa nec pudenda

Quam cum faenore postulant sepulchra,

Vstis quam cupit ossibus referri

Quicunque ad Stygias uocatur umbras.

10

Quod si fleueris haec dolenda iusta,

Degas saecula longiora iusto.