15. ad Angelum Politianum

Cunctos, Angele, cum recentiores

Et plus archetypis colas amicis,

Non iis me similem facis nec illis.

Nil dicam miser acrius tacendo?

5

Sed rumpar furiante corda bili et

Vrar flammiferae uapore febris.

Ruptis ergo silentiis per urbem

Perquiram furibundus hinc et inde.

Demum te prius attamen repertum

10

Buccis Stentoris ut uirum nocentem

Tanti criminis actor exsecrabor,

Qui me unum fugias nouum sodalem.