78. Petrus Bonomus Blasio Hoelcelio.

Humanas quaecunque diu terrentia mentes

      Prodigia in lucem terra fretumque dedit,

Quaeque per aethereas uiderunt saepius auras

      Mortales uisus cum pluuiis lapidum

5

Collegit docto Iosephus distincta libello

      Et Maecenati dedicat illa suo.

Terrigenas precibus nosti deuincere diuos

      Flectitur et uerbis Caesaris ira tuis:

Sic poteris superos, Blasi, mollire precando,

10

      Ne noceant nostris tot mala temporibus.