24. C. Pauli Amalthei carmen in Austriaden
Riccardi Bartholini Perusini ad Caesarem Maximilianum
Romanorum Imperatorem
Nostra nec immerito laetantur tempora, Caesar,
Cum tot honestentur vatibus ingenuis,
Vt, quoniam tantum bacchantur bella per orbem,
Sint qui facta ducum, qui tua gesta comant.
5
Qui tamen hos inter divino concitus Aestro
Nescio quid maius conderet Iliade
Ricardus fuerit, Trasimeni natus ad undas,
Qui canit heroo Norica bella pede.
Cui si quae praestas, servaveris ocia, Caesar:
10
Redduntur -dices- tempora Vergilii.