9. epitaphium de Ludovico Aurelianensium duce

Hoc tecum illustris Pario Ludovice sepulchro

      Iuncta Valentinae coniugis ossa cubant.

E merito Insubris tibi iura ducalia scaeptri

      Tradita legitimae praemia dotis erant.

5

Subiacet et Carolo clausus cum fratre Philippus,

      Inclyta iam vestri pignora bina thori.

Munificus Carolo nascens Ludovicus ab alto

      Haec posuit larga busta superba manu,

Sphorciadem indigna pepulit qui ex sede tyrannum,

10

      Et sua qui Siculas sub iuga misit opes.

Vt tantos decorata duces Aurelia iactat,

      Gallica sic illo scaeptra tenente tument.