78. epitaphium Lucietae,
filiae magnifici Ioannis Diedi,
provisoris Dalmatiae dignissimi

Hic Lucieta iacet, natalibus edita claris,

      Vt rosa, quae verno tempore lapsa fluit.

Vix puto ter denos compleverat parvula menses,

      Et vetulos tenero dabat ab ore sonos;

5

Talia verba dabat, tales dabat ore profatus,

      Vt merito quisquis dicere posset anum.

Si vixisse diu potuisset, moribus istis

      - Proh dolor! - huic similis femina nulla foret.

Invidit tantis fortuna parentibus; hinc est

10

      Dictum de fatis quod meliora legunt.