81. aliud epitaphium per eundem
Quis iacet hic? Marcus. Quis Marcus? Marulus ille,
Cuius honos terras, spiritus astra tenet.
Tanta quibus meruit tantus vir dotibus? Orbem
Vindicat eloquio, religione polum.
5
Vix, puto, credibile est dominis placuisse duobus;
Hic placuit: tanto vir fuit ingenio.
Macte, viator ades quisquis, virtutibus esto,
Qui cupis et mundo gratus et esse deo.